Clo Duri Bezzola

Il lung viadi

Vallader

Klanggestalter GmbH, 2021, numer d’empustaziun 978-3-9525338-1-9

Dudesch chanzuns cun illustraziuns da Pia Valär invidan ad uffants da far ün viadi i’l muond da Clo Duri Bezzola (1945 – 2004). Ellas muossan sia varietà litterara. Sias cumposiziuns, chantadas in sun modern dad Ursina Giger e dal figl da l’autur, Martin Bezzola, cuntegnan bler umur e viz da lingua. Agiunt al cudesch es il quadern da notas cun ün pled sün via da Dumenic Andry chi cumplettescha la collecziun plaina da fantasia e culuors, minchatant eir scurrila.