Manfred Mai

Il rabgialet

Puter

Lia Rumantscha, 2009, numer d’empustaziun 978-3-03900-069-2

Alexander ho il nes plain! La mamma reclama d’ün cuntin, sia sour Maria es üna chüsatoffa plufra ed adüna dess el esser la cuolpa da tuot. Cur ch’Alexander tschainta ün di buglind da la rabgia in sia chambra, as giavüscha’l notiers il rabgialet…

Alexander ho aviert ils ögls – ed ils ho dalum darcho serros.
«Che es?», ho dumando il rabgialet.
«Tü guardast our uschè sgrischaivel», ho Alexander marmugno e cucco be svelt svelt.
«Eau guard our precis uschè sgrischaivel, scu cha tü m’hest pittüro», ho dit il rabgialet. «Ed uschè am vulavaist, u na?