Cla Biert

La müdada – Cla Biert (nova ediziun)

Vallader

Limmat Verlag Turich, 2012, numer d’empustaziun 978-3-85791-647-2

La müdada in nos cumün nun es dadouravia bod gnanca da pudair verer. Ün ester chi’d es passà quia tschel di m’ha dit: «Eine starke Bauernkultur». Eu nun ha dit nüglia, mo pensà n’haja meis fat. Sast Tumasch, pro nus in muntogna la cultura nu vain plü portada impustüt dals paurs, sco üna jada. I sun qua hoteliers, mansterans, commerciants, impiegats ed eir esters chi han güst tant scha na daplü interess; i han eir daplü pussibilitats! La schloccada ch’eu manaj, es plü da chafuol sü, sü da las ragischs. L’orma pövel s’ha müdada.