Divers AuturAs

Litteratura 38 / Mar

Divers

Uniun per la Litteratura Rumantscha, 2019, numer d’empustaziun 20191029

L’emprema gada veva el udiu dalla mumma dalla mar. Mumma e mar, quei s’udeva ensemen. Nus tuts vegnin ord la mumma e mein ella mar. La mar, veva la mumma detg, ei l’aua entuorn il mund, ed el saveva s’imaginar nuot. Lu ha ella mussau il blau sil globus e declarau ch’ei detti la mar nera e la mar alva, la mar cotschna e la mar morta, la mar melna. Sulettamein la mar blaua deva ei buc.