Divers AuturAs

Moderne Poesie in der Schweiz

Sursilvan, Vallader, Deutsch

Limmat Verlag, 2014, numer d’empustaziun 978-3-85791-726-4

Ina antologia da Roger Perret

La nova antologia preschenta passa 600 poesias dal 20avel tschientaner creadas da var 250 auturas ed auturs da naziunalitad svizra u che vivan en Svizra sco Friedrich Dürrenmatt, Hermann Hesse, Rainer Maria Rilke. Ultra da quai datti er texts d’artists pli enconuschents en autras domenas, per exempel chantauturs sco Mani Matter, Endo Anaconda u Sophie Hunger.

En questa antologia vegnan preschentads texts poetics da 16 auturas ed auturs da lingua rumantscha u che scrivan rumantsch. Quai èn Dumenic Andry, Flurina Badel, Clo Duri Bezzola, Arno Camenisch, Luisa Famos, Margarita Gangale-Uffer, Felix Giger, Steivan Liun Könz, Denise Mützenberg, Andri Peer, Tresa Rüthers-Seeli, Leta Semadeni, Arnold Spescha, Flurin Spescha, Hendri Spescha e Warren Thew.