Torlach Mac Con Mî

Welschland ei dapertut ed auters essays

Sursilvan

Ediziun Sumptibus Auctoris, 2020, numer d’empustaziun 978-3-033-07804-8

Igl intschess romontsch sesanfla el Grischun, mo ins sa anflar semeglientschas e parallelas alla Romontschia dapertut sil mund! Quei cudisch muossa las perspectivas d’in autur vegnius d’ordlunder, che viva el Grischun e che cumpareglia bugen nies cantun cun autras tiaras nua ch’el ha viviu. Talas cumparegliaziuns san stimular lecturs e lecturas da veser problematicas enconuschentas en ina nova glisch. Autras tiaras san esser in spieghel per la Romontschia.

Quei ei in cudisch d’essays basai sin artechels digl autur publicai en La Quotidiana denter 2002 e 2017, actualisai e cumpletai cun niev material. Ils essays han ina varietad da temas. Ei setracta da litteratura, lungatg e religiun, da scienzia, natira ed historia. Ins legia dall’Irlanda, dil Canada, nua ch’igl autur ha viviu vegn onns da sia veta, mo era dalla Scozia e dall’Engheltiara, dall’Italia e dalla Nova Zelanda.